|
Vreugde Gasteplaas beskik oor verskeie en-suite enkel, dubbel- en familiekamers.
Vreugde Gasteplaas is 'n selfsorg fasiliteit en al die kamers is toegerus met 'n kitchenette om ligte etes voor te berei. Die kitchenette is egter nie ingerig vir kook nie. 'n 2-Plaat stoof, potte en panne is wel beskikbaar in die gemeenskaplike area indien dit verlang word. Braaigeriewe is beskikbaar. Kamers 1 tot 4 is apart van die hoofgebou en ander fasiliteite wat sorg vir genoegsame privaatheid terwyl die groter dubbelkamers (kamers 6 & 8), die familiekamers (kamers 5 & 7) asook die groep-slaaplokale deel vorm van die hoofgebou. Die hoofgebou is agtkantig en al die kamers loop uit in 'n lieflike binnehof en bied ook toegang tot 'n lekker kuier-vertrek wat toegerus is met tafels en stoele, sitkamerbanke, tafeltennis, ens. Ons het 'n twee-slaapkamer huis beskikbaar wat as eenheid verhuuur word vir tot 4 persone. Die huis verseker ‘n aangename verblyf met rustige plaasatmosfeer, privaatheid en gerief. Ons beskik ook oor twee groot slaaplokale (groepkamers), waarvan elk ‘n groot badkamer met onderskeidelik 3 en 4 storte het. Die groepkamers (kamers 9 & 10) is ideaal vir fiets en motorfietsryers, stappers, atlete en toergroepe. Kamers is nie toegerus met TV nie. Geen troeteldiere word toegelaat nie. Kinders moet te alle tye onder ouertoesig wees aangesien hier rotse, dammetjies en ander gevaarplekke op perseel is. |
Vir meer inligting klik op skakels hieronder:
Skakel: Katie 082 415 6311
|
Vreugde Gasteplaas is die ideale keuse vir die kieskeurige reisiger wat rus en stilte verkies bo die aanhoudende lawaai van vragmotors en ander verkeer.
|
|
|